miércoles, 19 de octubre de 2011

Explicaciones de la OLN

Aparece en el sitio web de la 'Organizaçom para a liberaçom nacional' (OLN) una entrevista con uno de sus responsables -Borxa Rei- en la que explica qué es la organización (extracto):

"A Organizaçom para a Liberaçom Nacional é umha organizaçom independentista e socialista. Constitui-se em Março como fruto da reflexom iniciada na rede de militantes Espaço Irmandinho sobre os caminhos que no contexto actual devia seguir a luita de liberaçom nacional e social.

Depois do debate interno, a OLN concretou os seus objectivos a dous níveis: por umha parte, impulsionar as dinámicas diárias de luita e construçom nacional que nos permitam fazer frente à involuiçom política e sócio-económica que desenhárom os poderes fácticos para a Galiza e, por outra, em íntima relaçom com esta, trabalhar junto a outros agentes na transiçom do mapa independentista actual para outro de unidades de acçom múltiplas, referencialidades e legitimidades supra-fraccionais e capacidade de acumulaçom de forças, que dotem o país de referentes nos distintos ámbitos de acçom e criem condiçons para construir um projecto político de liberaçom nacional e social.

A OLN é umha organizaçom que exige à sua militáncia um nível de compromisso alto porque entendemos que, nas condiçons actuais, os reptos que enfronta o avanço do projecto de liberaçom nacional e social precisam dum compromisso rigoroso e persistente. Quanto ao modelo organizativo, estruturamo-nos através da Assembleia Nacional, que ao reunir-se várias vezes ao ano experimenta muita potencialidade à hora de analisar a situaçom e definir reptos, linhas de acçom e objectivos a curto, meio e longo prazo; a Mesa Nacional, que é a direcçom, e as assembleias comarcais que desenvolvem o trabalho acordado.
A OLN tem como precedente o debate que se produz na rede de militantes independentistas Espaço Irmandinho em 2008-2009. Constatou-se na altura que o nosso modelo organizativo laxo, como rede de militantes, lastrava a nossa potencial incidência no país. Assim, decidimos apostar na transformaçom organizativa que achegou umha maior estruturaçom para poder levar avante a aposta na construçom de unidades de acçom entre independentistas, pois achamos que é na convergência por baixo, no dia a dia, onde o movimento pode acumular forças, ganhar referencialidade e testar as condiçons para seguir dando passos na construçom dum projecto comum.
Causa Galiza é umha iniciativa popular pola autodeterminaçom que assume a tarefa de socializar a necessidade do direito de autodeterminaçom, acumular forças por volta desta reivindicaçom e clarificar a bifurcaçom histórica que enfronta o nacionalismo e muitos nom querem olhar. Essa é a folha de rota de Causa Galiza. A militáncia da OLN participa nesta entidade junto a activistas de outros agentes sociais, sindicais e políticos, potencializando o seu afortalamento e expansom territorial. Logo, por outra parte, situam-se outras estratégias de trabalho -sindical, defesa da Terra, cultural, etc.- que ficam à margem das responsabilidades de Causa Galiza e desenvolvem outros agentes. Nom existe pois nengum solapamento de funçons, embora a inter-dependência entre todos estes processos seja óbvia.

No hay comentarios:

Publicar un comentario